32 years

na sana silang kasal kung parehos pa silang nabubuhay ngayon. Tsk! Ano na'ng nangyari? Bakit hindi ko halos naalala, kung hindi pa ako tinext ni ate kanina na magpamisa sa St. Francis.

Siya nga pala! A-beinte kuwatro ngayon. At mas mahalaga pa nga yata itong petsang ito sa amin bilang pamilya kesa Pasko. Hindi maaring palampasin ang a beinte kuwatro ng Hunyo nang hindi kami bumibisita sa Antipolo. Isang tradisyong hindi nababali, ano man ang mangyari.

A beinte kuwatro ng Hunyo, pitong taon na ang nakararaan nang huli kaming nagsimbang pamilya. Kinabuksan, Hunyo 25, 2001 namaalam ang aming ama.

Alas sais ang pamisa namin bukas.

Tatlo na lang kaming magsisimba.